நான் என்ற யோகி நான் என்ற என்னை
பல வாறாகக் கிழித்துப் போடுகிறேன்
சில்லு சில்லாகக் கிழித்து நொறுக்குகிறேன்
என் எவ்வொரு துண்டும்
ஒவ்வொரு யோகியாக உருவெடுக்கின்றன
ஒவ்வொரு யோகியும்
நான் என்ற நானாகவே மாறுகின்றன
நான் என்ற என்னால்
சுயமாக இயங்க முடியவில்லை
நான் என்ற என்னால்
எதையும் தீர்மானிக்க முடியவில்லை
நான் என்ற என்னை இயக்குபவர்கள்
எல்லாம் தெரிந்தவராக இருக்கின்றனர்
கிழிக்கப்பட்ட என்னை
நானே அறிந்திடாத அளவுக்குப் பதப்படுத்துகின்றனர்
ஒரு புன்னகையினூடே
எல்லாத்தையும் சாதிக்கின்றனர்
நான் என்ற என்னை ஆள்பவர்களுக்கு
ஒன்று மட்டும் தெரியவில்லை
அவர்களுக்கு யோகியை
தெரிந்திருக்கவில்லை
-யோகி
அருமை
பதிலளிநீக்கு