என்னை அணைத்திருக்கும்போது..

நீ என்றும் முழுமையானவன்
இது அர்த்தமற்ற வெறும்
சொல் என நினைக்காதே
என்னைத் தவிர
யாரும் என்னை உன்னிடம் கூறிவிடமுடியாது
உன்னைத்தவிர யாரும்
உன் தேக்கத்தை நிகழ்த்திட முடியாது
இதோ இந்த இரவிலும்
என் கால் அணைத்து நிற்கிறாய்
முழுவதுமாக என்னை
ஒப்புவித்திருக்கிறேன்

முந்தா நாள் இரவில்
நடந்த ஊடலை
நட்சத்திரங்கள் பேசி தீர்த்துக்கொண்டிருக்கின்றன
வானில் தெரியும்
அந்த வெளிச்சம்
ஏதோ ஒரு செய்தியை
ஒளித்துவைத்திருக்கிறது

யாருக்கு வேணும் அது எல்லாம்
நீ என்னை அணைத்திருக்கும்போது...