அவன் அங்குதான் இருந்தான்
அவனின் குரல்
மெல்லியதாகக் கேட்டது
அவன் என்னிடம்தான் பேசினான்
யாருக்கும் புலப்படாத அவனை
என் கண்கள் கண்டுவிட்டதாகச் சொன்னான்
பனி பொழிவதாகவும்
உஷ்ணத்தில் வெந்து தணிவதாகவும்
முயல் இறைச்சியில் இனிப்பு கூடியுள்ளதாகவும்
பெருமாள் சிலையில்
வதனங்கள் மின்னுவதாகவும்
வனம் முழுக்க
ஊதா மலர்கள் மலர்ந்துள்ளதாகவும்
சாம்பல் பறவை
அவன் கூடடைந்ததையும்
கூறிக்கொண்டிருந்தான்
அவன் சொல்வது
அனைத்தும்
பொய் எனத் தெரிந்தும்
நான்
கேட்டுக்கொண்டிருந்தேன்
அவனது புனைவுகளில்
புத்தனின் மௌனம்
கரைந்திருந்தது
கருத்துகள் இல்லை:
கருத்துரையிடுக