உலக வரைபடத்தில் ஒரு கண்ணீர்த்துளி

சாத்தான்

ஆசிர்வதித்து அனுப்பிய பெட்டியில்

ஒரு நாட்குறிப்பு இருந்தது

நாள் குறிப்பின்

ஒரு பக்கத்தில்

தேவதைகளில் அழிவைப்பற்றி குறிப்பிட்டிருந்தது

அடுத்த சில பக்கத்தில்

கடவுள்களின் துர்மரணங்களை சித்தரித்திருந்தது

அடுத்தடுத்த பக்கங்களிலும்

சாத்தான் அழிவுகளையே கோடிகாட்டியிருந்தது

அழிவுகளின் ஓலங்களை தாளமுடியாமல்

நாட்குறிப்பை மூடும்போது

மனிதமும் அழிந்திருந்தது

நாட்குறிப்போடு சாத்தான்

பிணங்களையும் பெட்டிக்குள் கிடத்தி

போதி மரத்தின் கீழ் புதைத்தது

பிறகு சிரித்து

எது நடந்ததோ

அது சரியாகத்தான் நடந்தது என்றது.

-யோகி