கதவுகளோ ஜன்னல்களோ
இல்லை
வாசலும் குசினியும் கூட
இருந்ததாக ஞாபகம் இல்லை
நான் அறியாமலே நிகழ்ந்துகொண்டிருந்தது
அவ்வறையில் எனது
பிரவேசித்தலும் வெளியேறுதலும்
ஒரு முறை
எங்கிருந்தோ வந்த புயலின் வீரியத்தை
சமாளிக்க தெரியாத
அறையின் கூரை
கழன்று பறந்தது
அப்போதுதான்
இல்லை என்று நான் நினைத்திருந்த
கதவுகளும் ஜன்னல்களும்
தன்னை வெளிக்கொணர்ந்து கொண்டிருந்தன..
மிக மெதுவாய்.
கருத்துகள் இல்லை:
கருத்துரையிடுக